Arbed arian gydag arferion bwyd da
Fe fyddech chi’n synnu cymaint o arian y gallwch ei arbed drwy wneud newidiadau bach i’ch arferion.
Faint o arian allech chi ei arbed?
Fe wyddom fod cadw llygad ar eich arian yn debygol o fod yn flaenoriaeth amlwg ar hyn o bryd. Rydym am eich helpu i wneud i’ch cyllideb bwyd fynd ymhellach er mwyn ichi allu gwario eich arian ar y pethau sy’n bwysicaf i chi. Efallai nad ydych yn ymwybodol – mae bywyd yn brysur, wedi’r cwbl – ond mae taflu bwyd a ellid fod wedi’i fwyta yn debyg iawn i daflu arian yn syth i’r bin. Bydd yr arbedion yn cynyddu wrth ichi gymryd ambell gam i ddefnyddio bwyd cyn y dyddiad defnyddio erbyn, a chreu un neu ddau o brydau yn rhagor o bob trip i’r archfarchnad.
Mae amser yn werthfawr a bywyd yn brysur, felly mae’r camau hyn oll yn golygu gwneud addasiadau bach, hawdd i’ch arferion bwyd a chael ambell sgil a syniad ychwanegol ar flaenau’ch bysedd.
Gallai’r teulu arferol yn y DU arbed £60 y mis, tua £720 y flwyddyn, drwy achub bwyd rhag mynd i’r bin.
Mae’r camau bach yn troi’n newid mawr
Un ffordd wych o ddechrau cadw mwy o fwyd ar eich plât, a llai yn y bin, yw drwy edrych ar eich arferion bwyd wythnosol a dewis ambell newid y gallech ei wneud er mwyn i bethau weithio’n well i chi a’ch waled.
Ein hoff rysetiau sy’n garedig i’r gyllideb
Mae’n hawdd dibynnu ar rysetiau hoff a chyfarwydd pan fyddwn eisiau creu pryd sydyn o fwyd. Ond mae coginio’r un prydau gartref dro ar ôl tro yn gallu arwain at esgeuluso rhai cynhwysion sy’n llechu yn y rhewgell neu gefn y cwpwrdd (ac, wrth gwrs, ein harwain at estyn y fwydlen tecawê!).
Ewch i bori ein rysetiau blasus, wedi’u cynllunio i’ch helpu i ddefnyddio’r bwyd sydd gennych ac arbed arian ar yr un pryd. Dyma rai o’n ffefrynnau, wedi’u rhoi ar brawf gan dîm Hoffi Bwyd, Casáu Gwastraff!
Mae'r cawl corbys clasurol hwn yn wledd i lysieuwyr yn ogystal â’r rhai sy’n bwyta cig, a gellir ei wella ymhellach gyda llawer o wahanol lysiau.
Mae'r myffins hyn yn ddelfrydol ar gyfer defnyddio bananas aeddfed. Gallwch hefyd ddefnyddio ffrwythau eraill sydd angen eu defnyddio, fel afalau, llugaeron, orenau, gellyg neu hyd yn oed ffrwythau tun!
Mae hwn yn ddewis arall gwych i ginio rhost clasurol, ac mor hawdd: y cyfan sydd angen i chi ei wneud mewn gwirionedd yw torri ychydig o lysiau!
Dyma bryd teuluol blasus ar gyfer canol yr wythnos sy’n defnyddio cynhwysion o’r cwpwrdd bwyd a sbeisys gyda pheli cig ychwanegol i’w rhewi ar gyfer ail bryd.
Mae'r pryd neu'r byrbryd blasus hwn yn ffordd wych o ddefnyddio tatws.
Mae'r rysáit hon yn wych ar gyfer pan fyddwch chi'n dod o hyd i'r hen dafelli o fara sydd ar ôl ar ddiwedd y dorth.
Rhagor o driciau ar gyfer arbed arian
Yn ogystal â dysgu ambell rysáit newydd i’ch ysbrydoli i ddefnyddio mwy o gynhwysion, bydd dod o hyd i ffyrdd gwahanol o gynllunio a pharatoi, mynd i’r afael â’ch oergell a rhewgell, a storio bwyd yn y lleoedd iawn yn eich helpu i fanteisio i’r eithaf ar eich bwyd. (Mae rhai o’n tips, fel gwirio tymheredd eich oergell, yn rhai y gallwch eu gwneud unwaith a pheidio poeni amdanyn nhw eto!)
Dyma rai o’n triciau bwyd gorau i’ch helpu i arbed arian.
Bydd mabwysiadu ambell i arfer bwyd syml yn eich arferion wythnosol arferol yn tynnu llawer o straen o’ch arferion bwyd, gan arbed amser ac arian i chi – a hynny wrth siopa a phan fyddwch gartref. Bydd hefyd yn sicrhau bod eich bwyd yn cael ei fwyta, nid ei daflu!
- Arbed amser ac arian
- Siopa bwyd
Naw ffordd o arbed arian wrth siopa bwyd
Dyma naw ffordd o helpu i ysgafnhau’r baich ar eich waled pan gyrhaeddwch y til… ac achub bwyd rhag y bin, hefyd!
