Bruschetta cymysg Eidalaidd
Bruschetta cymysg Eidalaidd
Cadwch roliau bara yn y rhewgell, maen nhw'n dadmer mewn 30 munud ac maen nhw'r maint perffaith i wneud bruschetta.
Cynhwysion
Dognau delfrydol
Defnyddiwch ein cyfrifydd dognau - dyma ffordd syml a chyflym o wirio faint o'r bwyd hwn i'w weini fesul pryd bwyd.
Defnyddiwch y cyfrifydd dognauRysáit
Cynheswch y ffwrn i 180°C (350°F) marc 4. Torrwch y rholiau yn dafelli 3mm.
Brwsiwch y tafelli gydag ychydig o olew olewydd, a’u rhoi ar glawr pobi mewn un haen a gwasgaru ychydig o berlysiau sych dros y rholiau.
Coginiwch am 10 munud a thra eu bod yn dal yn boeth, eu rhwbio gyda’r tafelli o arlleg.
Nawr gorffennwch y bruschetta gyda’r topin o’ch dewis yn dibynnu ar gynnwys eich oergell:
Opsiynau
Brocoli a mintys – Mewn prosesydd bwyd ychwanegwch 150g o frocoli wedi’i goginio a’i flendio am ychydig eiliadau ac yna ychwanegu 25g o gnau pinwydd, 55g o gaws Parma wedi’i gratio a 3 llwy fwrdd o olew olewydd. Yna, blendio’r cymysgedd am 10 eiliad arall ac yna cymysgu 2 lwy fwrdd o fintys wedi’u torri i mewn i’r gymysgedd ac ychwanegu blas gyda phupur du ac ychydig o sudd lemwn. Rhannwch y gymysgedd rhwng pob bruschetta.
Caws tawdd melys – Defnyddiwch unrhyw gaws dros ben sydd gennych yn eich oergell a’i gratio neu ei friwsioni a’i rannu rhwng pob bruschetta ac ychwanegu llwy de o saws llugaeron, ei roi o dan gril poeth am 2-3 munud neu tan ei fod yn dechrau toddi.
Twrci, Brie a llugaeron - Torrwch 150g o Brie yn dafelli bach, a’i rannu rhwng y bruschetta a rhoi 100g o dwrci wedi’i goginio wedi’i sleisio ac ychydig o saws llugaeron arnynt.
Cig eidion a winwnsyn wedi’i garameleiddio - Cynheswch ychydig o olew mewn padell â gwaelod trwchus, ac ychwanegu 300g o winwnsyn coch wedi’u sleisio eu gorchuddio a’u coginio dros wres isel tan eu bod yn feddal. Ychwanegwch ½ llwy fwrdd o siwgr brown a ½ llwy fwrdd o finegr, eu coginio, a’u troi tan eu bod wedi carameleiddio. Sleisiwch gig eidion wedi’i goginio’n denau a thaenu mwstard ar y Bruschetta, a rhowch y cig eidion, y winwns wedi’u carameleiddio a rhywfaint o bersli wedi’i dorri ar ei ben.
Tomato ac olewydd – Torrwch 175g o domatos yn ddarnau bach a thorri tomatos bach yn chwarteri ac yna ychwanegu llond llaw o olewydd du, ychydig o gaprau ac ychwanegwch 2 lwy fwrdd o olew olewydd pur a dail basil wedi’u rhwygo. Rhannwch y gymysgedd rhwng pob bruschetta ac ychwanegu blas gyda phupur du.
Manteisio i’r eithaf ar eich bwyd dros ben
Dognau delfrydol
Defnyddiwch ein cyfrifydd dognau - dyma ffordd syml a chyflym o wirio faint o'r bwyd hwn i'w weini fesul pryd bwyd.
Defnyddiwch y cyfrifydd dognauOs gwnaethoch fwynhau’r rysáit hon, rhowch gynnig ar
Roedd Michael a Savanah yn enillwyr ein cystadleuaeth ysgolion ar thema Calan Gaeaf, 'Peidiwch â Bod ag Ofn Eich Sbarion' mewn partneriaeth â Scottish Business in the Community a Good Family Food.
Mae Sascha yn Hugh Grierson Organic, fferm deuluol yn Swydd Perth, yn dangos i ni sut i roi sbeis i’r briwgig a’r thatws hynny ar Noson Calan Gaeaf.
Os oes gennych chi datws wedi'u coginio dros ben i'w defnyddio, o'r oergell neu'r rhewgell, beth am roi cynnig ar y rysáit flasus a syml hon gan Blas y Tir.
Yn berffaith fel cwrs cyntaf ysgafn cyn cinio Nadolig moethus, mae eog wedi’i gochi ar gael yn hawdd mewn pecynnau bach sy'n golygu y gallwch chi sicrhau nad ydych chi'n prynu mwy nag sydd ei angen arnoch chi.
Mae hwn yn ddewis arall gwych i ginio rhost clasurol, ac mor hawdd: y cyfan sydd angen i chi ei wneud mewn gwirionedd yw torri ychydig o lysiau!
Os nad ydych erioed wedi rhoi cynnig ar y ffefryn brecinio hwn fel pryd sawrus, rydych chi'n colli allan. Mae hefyd yn ffordd wych o ddefnyddio hen fara – perffaith ar gyfer brecwast, cinio neu swper!
Dyma wledd gyflym a blasus iawn ar gyfer dydd gŵyl San Steffan sy’n defnyddio twrci dros ben, a gellir ei weini gydag unrhyw lysiau gwyrdd sydd dros ben. Gwnewch yn siŵr bod gennych chi ychydig o fara crystiog i'w dipio yn y saws hefyd!
Ffordd syml o greu pryd blasus o'ch tatws a chig moch dros ben. Mae Le Creuset yn argymell eich bod yn ei fwynhau gyda brocoli wedi'i stemio neu salad gwyrdd ffres gydag ychydig o lemon.
Y tro-ffrio cyflymaf, hawsaf! Browniwch eich briwgig, tro-ffrio'r llysiau a bydd y pryd hwn yn barod mewn llai na 30 munud.
Yn ffefryn mewn bwytai Tsieineaidd, gellir gweini'r crempogau melys-moes-mwy hyn yn lle bara gyda llawer o brydau, neu gyda saws sbeislyd ar gyfer dipio fel rhan o bryd o fwyd Tsieineaidd.
Cadwch eich oergell ar 5°C neu’n oerach
Wyddoch chi y gallai newid tymheredd eich oergell helpu i gadw eich bwyd am dri diwrnod yn hirach nag arfer? Dyna ichi lwyddiant ar gyfer cadw eich bwyd yn ffres yn hirach. Gall ein teclyn tymheredd oergell eich helpu i ddysgu sut i newid y tymheredd ar eich brand oergell penodol chi.